పాండిత్య ప్రకర్షను ప్రదర్శించాలని కోరుకొనేవారు
వ్యర్థంగా సూత్రాలను వల్లెవేయడం చూసాను
సూత్రాలలోని పదాల పై ఆధారపడడం చూసాను
వారి నోరు చరిస్తుంది, హృదయం నిద్రిస్తుంది
నోరు, హృదయం వాదులాడుకుంటాయి
హృదయం యొక్క సహజ స్థితి సమరసభరితమైనదయినప్పటికీ ఏమి ఫలం?
కేవలం పదాలలో చిక్కుకోకండి
మీ సహజ స్థితిని తెలుసుకోవడానికి ప్రయత్నించండి
అన్యమైనదేదీ మీ హృదయాన్ని ఆక్రమించుకోకుండా జాగరూకులై ఉండండి
అప్పుడే మీరు మీ వాక్కుకి అధికారి అవుతారు
పరిపూర్ణమైన ఎరుకలో
బహిరమైనది
ఆంతరికమైనది
అనబడే వేర్పాటు తొలగిపోతుంది
మూలం: Han Shan(c 730)
అనుసృజన, ఛాయాచిత్రం : శ్రీరామ్
No comments:
Post a Comment